Den 21. Februar war erëm e ganz besonneschen Dag an der Maison de Soins Op Lamp zu Waasserbëlleg. Op Invitatioun vun der Amicale Op Lamp huet nomëttes den « Duo Rendez-Vous » gespillt. D'Catherine an de Fabrice Zanella hunn d’Bewunner vum Fleegeheem mat franséische Chansone ënnert anerem vum Edith Piaff begeeschtert. Awer och däitsch Schlager vum Udo Jürgens an dem Roy Black stoungen op dem Programm, grad esou wéi eng ganz Rei Lëtzebuerger Lidder, bei deenen d’Nolauschterer ganz gäre matgesongen hunn.
De Festsall vum Fleegeheem war gutt gefëllt, d’Bewunner an hir Famillje konnten esou eng schéin an ofwiesslungsräich Zäit zesumme verbréngen.
D’Mme Mariette Merges vun der Amicale Op Lamp huet dem Duo Rendez-Vous fir de flotten Nomëtteg e grousse Merci gesot.